2019年3月15日

支整貪靚話「中意左自己好朋友好耐」嘅王子,同方凝、阿咩仲有阿輝三個人係大排檔吃完野,係條街度邊行邊係個斜揹相機袋度穩佐把遮出黎,諗住卑方凝帶住去政總。

「喂天文台話落雨吖,一陣間政總呢…你有排企。」

「我睇下我有冇拎度先」,方凝跟手就打開自己嘅袋黎摷,「哇真係冇帶喎!」

方凝望住個袋話口未完,王子已經順手將把折遮掟落方凝開著口嘅揹袋度嘞。

「搦搦埋埋……你有三四把遮係我度。」方凝講下講下,聲都細埋。

「係半打。」

「有咁多?」方凝好驚訝咁望住王子。

「有……!」王子拉長把聲音,「不過慢慢還都未遲嘅。」

:)

 

 

劇終喇。

2019年3月13日

故事黎度第15集嘅最後,阿咩買佐哋薯仔,諗住煮「番茄薯仔湯意粉」。方凝翻度屋企,關翻度門,企係度解條鞋帶。阿咩問距:

「你覺得…意粉好定螺螄粉粉好吖?」

「是但吖。」

「唔得一定要揀一樣!」

「螺螄粉。」

於是阿咩摞起包螺螄粉,雙手戚住包裝袋各一邊,向兩邊大力一捫,哋螺絲粉飛曬出黎,跌曬摞個地度。阿咩兩手空空咁捏住搣爛左嘅包裝袋,企係度,唔出聲。

方凝行過去,話「算嘞,唔好煮嘞」,跟手攬住阿咩。阿咩終於忍唔住,好似個小朋友爛佐自己心愛嘅玩具咁,抽泣起身,攬翻方凝轉頭。

頭先…我仲見度距同阿輝從機室出黎,個天岩好落大雨,阿輝扯住要行出去嘅阿咩,點知阿咩就係都要出去淋雨,仲扯埋阿輝一起。阿輝唔肯,於是兩個人就係咁係條馬路度跑黎跑去,淋度濕曬,兩個人最後係雨霧中錫起身。

我就諗,其實我几希望成為好似阿咩咁嘅人,幽默搞笑仲感染度人。同距呢種人係埋一起,一定好開心姐。反而方凝就顯得沉悶寡淡好多。

但當阿咩係方凝個膊頭喊度七彩咁,我都忍唔住鼻酸酸咁。

有時候,越想當冇事發生,就越集中唔度精神。就好似,越唔想個胎卑釘杉親,但偏偏就會黎多嚄。你越唔先想哋油價咁貴,距就偏偏係你成日要加油嘅時候,升的鈑鈑聲。咁你可以點姐。唔係好似阿咩咁笑口篩篩,唔通要日日都鬱鬱不得志?

今日去Service Canada,要renew個SIN。我諗住一個鐘點都搞得掂,所以柏車就買左兩蚊嘅票。點知,寫低父母嘅姓名後,就咁摞住支鉛筆足足坐係度等佐差唔多成個鐘。終於入房搞掂曬急急腳行去架車度,睇下ticket上嘅時間,超佐五分鐘度。

插入條匙,纜好條安全帶,跟住就開佐上條路度。突然醒起唔知道翻屋企條路,又鵪黎鵪去,係件褸度鵪度部手機出黎,插入個USB,再撳地圖……後面架車嗶我啦。

2019年3月11日

好耐冇咁早出門口嘞。係外面行佐一轉,去佐一個job interview,買佐杯咖啡。宜家坐係架車度,睇住點白鴿係半空中飛完一圈又一圈。(9.20am)

2019年3月9日

 

 

「被你浪費 被你活埋

讓你愉快 讓我瓦解

為你盛放頹廢中那媚態」

 

Episode 8.

 

哇。我呢頭先話完汪海藍性格火爆收唔住,果頭就見度距係辦公室度同方凝對質當年點解要報道石俊賢患愛滋病篇新聞。當方凝怪汪海藍係因為求愛不成卑石俊賢拒絕,自信心七年都未建立翻所以先要搞「愛滋名人榜」時,見住汪海藍(梁小冰)倒吸啖氣,係咁係度深呼吸,頸部青筋突出,眼珠瞬間充血,我幾乎覺得距要出手琴方凝一巴。

冇諗度距只係大聲質問方凝,質問距有冇反省過自己,有冇反省過係因為自己追求完美,接受唔度自己男朋友有愛滋,所以先導致石俊賢自殺。

更戲劇性嘅係,頭先一班做完野收工去宵夜嘅同事,此時此刻就企係辦公室門口,大家手上摞住生日蛋糕,汽水薯片……大家唔敢出聲,你望我我望你,驚驚青青咁。

唔係戲劇性,人生就係咁嘅嘞。