2019年3月7日

我最近係度睇《導火新聞線》,其實都只係睇度第三集姐。我一直都唔係好慣裡面汪海藍果呢個角色,覺得一個講野咁嘶聲力竭,性格咁火爆,裝束咁張揚嘅一個女人,點解可以做度管理層嘅呢?點解好似方凝咁樣一個咁特立獨行嘅女記者,會馴服於距呢?

第三集一開頭又係汪海藍係度命令下屬嘅聲。如果唔係因為朋友介紹套戲好睇,題材我又感興趣,我真係想放棄睇落去。但之後開始穿插以前汪海藍後生係《榴蓮日報》做野點片段,果陣方凝仲只係岩岩入職嘅初級記者。

汪海藍為佐篇報道民生嘅新聞,同採主係辦公室當眾就吵起身,一點面都冇卑,因為採主要距去財爺宣佈結婚嘅記招。後來距同方凝都係去左關注留宿者嘅新聞記招。汪海藍企係間confetence room嘅最後面,摞起部相機,影低曬幾排冇人坐嘅凳,同埋企係最前面除低口罩露出傷痕嘅露宿者。

方凝問距,點解你唔行前點去影個露宿者嘅傷痕吖?其他記者都係咁樣影嘅。

「就係當人人都咁影果陣,我地就要think different。」

咁多年前嘅汪海藍,裝束樸素,做野原來一直都係咁直接幹練。

畫面又翻度現時,已經變成採訪主任嘅方凝雖然同汪海藍依舊風格不同,但亦學識佐think different。

吖,好似汪海藍把聲又冇咁難頂嘞喔,咁有能力咁博得,著住對12吋(?)高踭鞋係咁行黎行去都幾有自己嘅style吖!雖然寶藍色真係唔係咁容易可以同紫色格仔裙搭得好睇。

其實,做新聞,真係需要點好似汪海藍咁樣敢做敢講敢寫敢影嘅人。

當然,呢種咁嘅人可能只會生存度係電視劇或小說裡面。咁,做個「方凝」都幾好吖。

Anyway,呢套戲會係繼《短暫的婚姻》、《瑪嘉烈與大衛》之後,我覺得好好睇嘅港劇。

戲度突然間落雨,方凝話要去買遮,阿汪海藍就即刻摞出件雨褸出黎,但係唔係摞黎遮人嘅喔。係摞黎遮相機架。跟住兩個人係街邊吃勁辣嘅咖喱魚旦,汪海藍係咁用手指敲罐可樂嘅拉環面。方凝見度咁就問,係米真係咁敲下點汽水就唔會噴出黎嘅呢?汪海藍就叫距自己試下。

你古下方凝點答嘅?距話距可以成世都唔知道答案。(笑)

方凝接住又問,咁樣一個露宿街口訓紙皮盒嘅弱智細路女上唔上度A1?汪海藍就話,最前A10啦,仲要係corner位……

「『我覺得』呢三個字呢,我地冇資格講,除非有朝一日我地坐度老總呢個位啦!咁咩野新聞上頭版,米由我地自己話事咯!」

等我下次都敲下罐汽水先再打開黎飲~

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s