2019年1月6日

今日早上突然好想飲mall裡面果間包鋪噶「港式咖啡」。可能太耐冇飲過勒吧,覺得飲完仲想再黎一杯。加左兩份奶,入口好滑,落左喉嚨度又覺得有點澀,霖下霖下,溝埋點奶味,真係同北美呢邊的咖啡味道唔同噶。唔知點解呢,眼係覺得好似有點茶味係度,就好似……一杯咖啡多過茶噶鴛鴦。

晚黑飲完自己煲噶頭啖湯,未夠7點就去左體育館度「行路」。我同自己講,如果以後呢,有邊一日冇行度一萬步,第二日就要行夠兩萬步補翻。琴日去左睇個音樂會,頭銜真係行左兩萬步先停低,對腳即時唔肯再育翻!我企左係度有五分鐘先至落樓。

平時行我都會選擇聽個電台節目,兩個半鐘頭,除去開車果陣聽左半個鐘,每次聽完剩翻噶兩個鐘就咁岩差唔多行度一萬步多點咁。今日星期日,雖然冇節目不過有不斷噶歌係咁係度播緊,仲要時下抒情時下動感,簡直係運動噶完美搭檔!我有時星期日晚寫野,都會聽住黎寫,今日信號可能有點唔好,亦可能因為我個耳機開始壞勒,中間音樂斷左幾次。anyway我好快行度六七千,跟住一萬。之但係從一萬到兩萬,可能跨度太大,我睇手機check住步數噶app次數愈黎愈密,到最後萬七萬八噶時候,我唯有靠同自己講聽完兩首歌先再睇,到左萬九噶時候,我又同自己講聽完呢首再睇。我最後播噶係一首許志安噶歌,我好鍾意同張專輯裡面噶「如初」,但感覺呢首係第一次聽。可能……平時聽歌噶時候,覺得旋律好聽就會鍾意。但運動噶時候,難免枯燥,我邊行邊聽住點歌詞。有句歌詞我好鍾意,但係竟然成首歌淨係出現左一次,好在我記得大概,我即刻search左下google就穩度啦。

我覺得呢位填詞人好有趣,因為我又係寫野噶時候,唔鍾意重複,但係新聞喔,開頭通常都要有個概括,跟住下文又再重複一次其中噶一點詞或句。就好似通常歌吖,詩吖,彈奏噶旋律吖,都會需要重複黎加強個感染效果。但係偏偏呢句就好似一句旁白咁,如果你唔為意,就咁過佐去噶啦;但如果卑你聽度,你就會覺得,哇,等我聽多次聽多次,但係聽度最尾,咦?首歌聽完嘎喇?係咪我頭先冇注意度距吖?等我穩下先……

Ah,唔知點解硬係覺得今朝果陣咖啡味咁熟噶?我去香港幾次,好似係得第一次同朋友自由行果陣,買過杯野飲,我仲覺得,哇!點解香港一杯野咁大size噶,貴過廣州都ok吖,份量咁大。又好似細細個第一次同媽咪仲有舅父地去一間叫「綠茵閣咖啡廳」(西餐廳?)度飲噶奶茶陣味一樣。當時我好似上佐樓,裡面光線比較暗,好幽靜噶感覺。當時飲噶奶茶係用好似人地英國果點下午茶點瓷杯黎裝噶,細細噶鐵羹,我仲可以撈度點「珍珠」,果陣點珍珠仲細過宜家點西米,好似一粒粒黑色噶圓形噶菩提子咁,係有點硬噶。我當時仲好surprise咁大聲問阿媽。阿媽淨係係度不斷提醒我講野要細聲點,因為呢度係西餐廳,大家講野都係細細聲咁……

亦可能係我記憶出現左差錯,因為奶茶入面加「珍珠」,唔係台灣果邊傳過黎噶咩?而且當時應該係2000年度?可能真係好似一本書講噶咁,記憶會隨住時間,卑你自己噶腦「改寫」一次又一次,變得越來越似自己想要噶情節一樣。

可能吧,咁就當係一個故事咁讀,都幾有趣吖……

翻到屋企,打開煲蓋睇下點湯,已經凍左開始有油塊浮係面度。真係好想熱翻黎飲,不過算喇,我都係吃埋淨低果細舊仔蘿柚算勒。

「以後你的立場 也是我的立場 這默契需護養 幸福的起點 未必走得遠」

 

 

 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s