2019年4月16日

我近排迷上咗煎蛋,重(仲)要學人哋大衛鍾意吃「燶(nung; 窿lung)邊嘅蛋」。我開頭都以為自己會好似佢咁,「永遠都煎唔到」,所以一直都唔敢試。直到嗰日,我喺度一邊洗碗,一邊等個镬(wok)㷫(慶)熱啲油,諗住咁樣可以慳(haan1)啲時間吖嘛。可能當時擠(劑)喺度嘅碗有啲多,喺我就嚟要用水沖乾淨啲泡泡嘅時候,聞到一陣(浸)𤓓(囉)味,我唯有即刻(zik, haak)洗乾淨隻手,打咗兩隻蛋落個镬度,跟著我就見到嗰蛋白多咗條金金哋,又黑黑哋嘅邊喺度。唔通佢就係傳說中嘅「燶邊嘅蛋」?

其實呢…我想吃嘅係…「燶邊嘅荷包蛋」。點解會有咁撩唥㗎?咁就要講返起前嗰排睇嘅嗰套《導火新聞線》,有集阿咩問方凝,「鍾意太陽蛋、反蛋定炒蛋」,只見方凝答佢「是但吖」;阿咩跟著就話「是但是但…即係豉油炒蛋嘞!」

當時我聽度嘅係「反蛋」,但字幕顯示嘅係「荷包蛋」。我當時就諗,會唔會其實兩者會有啲唔同呢?於是乎我就上網查咗下,真係有啲唔同嘅喔。簡單啲嚟講,就係荷包蛋有「反蛋」(over easy) 同「熟蛋」(over hard) 兩種,「反蛋」即係嗰蛋黃半生熟,「熟蛋」即係煎到熟晒喇。當時睇度呢度,我就係度諗,咁大衛想吃嘅「燶邊嘅蛋」,之所以咁難煎,係唔係佢就好似我而家(宜家)噉,想吃嘅係「燶邊兼蛋黃半生熟嘅蛋」呢?

我今日又嚟多次,同上次一樣都係等啲油好㷫(慶)之後先打啲蛋落去,上次呢我就淨係糝(saam, 審sam)咗啲鹽同胡椒粉落去,今次我見自己加咗啲frozen vegggies落去,我就改落豉油,跟著又驚啲蔬菜唔熟,我咪用個镬鏟反下佢咯。唔反唔知,一反轉,先發現原來個蛋要顯得「燶」,係要靠加豉油嘅。

講到口感呢,上次個邊就燶得脆口啲喇,今次呢個就好味啲,但個邊就冇好似上次咁,一咬落去,可以聽到嗰種斷碎嘅聲音囉。

 

 

 

2019年4月13日

七點幾收工,臨返屋企前係路邊嘅公園坐咗陣,返到屋企即刻就喺個雪櫃度,摞咗琴晚吃剩嘅皮蛋瘦肉粥出嚟,倒落個碗度摞去微波爐度叮,淨番個一次性飯盒喺度。諗起之前同房東太太傾起話唔知啲白色一次性飯盒可唔可以回收,佢同我講而家(宜家)呢啲都屬於可回收喇;我今次特登睇咗下,啊又真係有個可回收嘅Logo喺上面喎。於是乎我就用水沖咗下只碗同個蓋,跟住就將佢哋掟咗落個Recycle Bin度。

講返起今日,我著度好似要見家長咁,重(仲)摵(戚)住兩抽橙。事因我前boss話約咗個老朋友出嚟飲茶,叫埋我。一諗到係長輩,我梗係唔敢遲到喇。晨七咁早就醒咗,頭先未夠十點我已經係噉喺度打喊露喇。

其實……我有好多嘢想講,但諗諗(lam/nam)下,都係唔講嘞。